വീടിന്റെ പടിയ്ക്കലെ കാത്ത്‌ നിക്കുന്നുണ്ടാവും ആട്ടിയ വെളിച്ചെണ്ണയിൽതാളിച്ച കക്കാളിച്ചമ്മന്തിയുടെ മണം..
അരിപ്പൊടികൊണ്ടുള്ള നിറയെ ദ്വാരങ്ങൾ ഉള്ള ആ ദോശയിലേക്ക്‌ ഒരു വശത്ത്‌ അമ്മ ആ തക്കാളികറിയൊഴിക്കും ബട്ടൺസ്‌ ഇടാത്ത ആ ഷർട്ടും ട്രൗസറും ഇട്ട്‌ മടിയിൽ വെച്ച്‌ ഒരൊറ്റ പിടിപിടിക്കും..
അന്നേരം അച്ചമ്മ പറബീന്ന് വെട്ടികൊണ്ടുവന്ന വാഴയില വിറകടുപ്പിലെ കനലിൽ ഇങ്ങനെ വാടിതുടങ്ങും..

പഴയപത്രം അടുപ്പ്‌ തിണ്ണയിൽവച്ച്‌ അതിന്റെ മേലെ ഈ വാഴയിലവെച്ച്‌.. അതിലേക്ക്‌ രണ്ട്‌ കോരി ചോറും രാവിലെ തള്ളകോഴിയുടെ പരിഭവം മൈന്റ്‌ ചെയ്യാതെ കോഴിക്കൂട്ടിൽ കയ്യിട്ടെടുത്ത കോഴിമുട്ടപൊരിച്ചതും വെച്ച്‌ സൈഡിൽ ഒരു ചീരഉപ്പേരിയും..പിന്നെ തക്കാളിതാളിച്ചതു ഉപ്പിലിട്ട കടുമാങ്ങയും വച്ചൊരു പൊതിയങ്ങ്‌ പൊതിഞ്ഞുതരും….

സ്ക്കൂൾസഞ്ചിയിൽ ഗണിതശാസ്ത്രത്തിന്റെയും മലയാളം , സാമൂഹ്യശാസ്ത്രം പോലുള്ള പുസ്തകങ്ങൾക്ക്‌ സൈഡിൽ ആളിങ്ങനെ ഗമയിൽ ഒരെയിരിപ്പാണ്…ലോങ്ങ്ബെൽ കേട്ടാൽ ഓടി ബെഞ്ചിൽ കയറിയിരുന്ന് ആ പൊതിയിങ്ങോട്ട്‌ തുറക്കും…ജീവിതത്തിൽ ഇന്നുവരെ ഉപയോഗിച്ച വിലകൂടിയ ഒരു സുഗന്ധദ്രവ്യത്തിനും തരാൻ കഴിയാത്തൊരനുഭവമാണ്.. കൂടെ ഇന്ന് ആ ഓർമ്മകളും സ്വാദും…❤️

ഒരു പക്ഷെ ആ ഓർമ്മകളും അനുഭവങ്ങളും ആയിരിക്കാം…
മറക്കാൻ കഴിയാത്ത കാലഘട്ടത്തിനൊപ്പം സഞ്ചരിച്ച രുചികൂട്ടുകളിലെ ചില ഓർമ്മപ്പെടുത്തലുകളും കൈപ്പുണ്യവും.. ഈസംരംഭത്തിലും  നിങ്ങൾക്ക്‌ ഉറപ്പ്‌നൽകുന്നു…

Thank you..!

image courtesy:pintrest